Ministri i Punëve të Jashtme të Shqipërisë Igli Hasani ka thënë se Shqipëria gjatë mandatit të saj të parë në Organizatën e Kombeve të Bashkuara (OKB), ka mbrojtur programin “Gratë, Paqja dhe Siguria”.
Hasani tha se kjo ka ndodhur për të fuqizuar gratë në parandalimin e konflikteve dhe ndërtimin e paqes.
“Gjatë mandatit të saj të parë në OKB, Shqipëria ka mbrojtur programin “Gratë, Paqja dhe Siguria”, për të fuqizuar gratë në parandalimin e konflikteve dhe ndërtimin e paqes”, shkruan Hasani në llogarinë e tij në Facebook.
Ministri i jashtëm shqiptar thotë se Shqipëria gjatë vitit 2023 ka vendosur një fokus të veçantë në prioritizimin e të gjitha çështjeve që lidhen me këtë program.
“Si koordinatore e Angazhimeve të Përbashkëta për “Gratë, Paqja dhe Siguria” gjatë vitit 2023, Shqipëria ka vendosur një fokus të veçantë në prioritizimin e të gjitha çështjeve që lidhen me këtë program. Në debatin e hapur të Këshillit të Sigurimit sot theksova se, Shqipëria do të vazhdojë të punojë me shtetet e tjera për të siguruar zbatimin gjithëpërfshirës të angazhimeve në nivel kombëtar, rajonal dhe global”, shkruan ai.
Hasani tutje shrpehet se pas përfundimit të mandatit në Këshillin e Sigurimit, angazhimi i tyre dot ë vazhdojë në Shqipëri.
“Pas disa javësh, mandati ynë në Këshillin e Sigurimit do të përfundojë, por angazhimi ynë për Gratë, Paqen dhe Sigurinë do të vazhdojë, në Shqipëri, në Nju Jork dhe kudo, si pjesë e përkushtimit tonë të palëkundur për fuqizimin e grave dhe barazinë gjinore”, përfundon Hasani./Arbresh.info/
Gara presidenciale në SHBA/ ”Wall Street Journal”: Demokratë...
Të paktën 63 të vrarë për një ditë në sulmet izraelite në Li...
Dërgohet në mbajtje një person, dyshohet për grabitje
Erdogan zotohet për “zhdukje” të rrjetit të Gulenit pas vdek...
Mbërrin zarfi në shtëpi, Vëllai i Madh dënon banorët
Shoqata e Prokurorëve i reagon deputetit Muja: Dënojmë çdo p...